Կրթական ծրագիր «Երևանի բերդի գրավումը»
ուսուցողական խաղ-էքսկուրսիա
Նախատեսված է միջին տարիքի դպրոցականների համար /11-14տ./
Տևողությունը 40-60 րոպե
Նկարագիր`
- Թանգարանի աշխատակիցը համառոտ ներկայացնում է Երևանի Բերդի պատմությունը, 1826-1828թթ ռուս–պարսկական պատերազմը և Երևանի բերդի գրավումը` այս ամենը կապելով Խ.Աբովյանի ապրած ժամանակաշրջանի և «Վերք Հայաստանի» վեպի հետ: Խաղ-էքսկուրսիան ուղեկցվում է թեմային վերաբերող նկարների դիտումով:
Նյութը ներկայացնելուց հետո, խումբը բաժանվում է 2 մասի, հնչում են հարցեր յուրաքանչյուր խմբի համար: Յուրաքանչյուր հարցին ճիշտ պատասխանելու դեպքում խումբը ստանում է հայ կամավորականի դրոշ, չպատասխանելու դեպքում տվյալ աշակերտը հակառակորդ խմբին գերի է ընկնում: Ըստ ճիշտ պատասխանների քանակի` որոշվում է Երևանի բերդը գիտելիքներով գրավող թիմը:
Նպատակ`
- Հաղորդակից դարձնել անցյալի արժեքներին
- Ծանոթացնել բերդի պատմությանը, բացահայտել բերդի դերն ու նշանակությունը հայ ժողովրդի պատմության մեջ` ընդգծելով Աբովյանի «Վերք Հայաստանի» պատմավեպով մեզ հասցրած պատմական իրադարձությունները: