Խ. Աբովյանի տուն-թանգարանի որդեգրած բարի ավանդույթներից մեկն էլ տարեցների համար կազմակերպվող ամենամյա միջոցառումներն են: Հունիսի 15-ին տուն-թանգարանում հյուրընկալվեցին Երևան քաղաքի 12 վարչական շրջաններից ընտրված թոշակառուները: Այս անգամ նրանց համար կազմակերպվել էր համերգային ծրագիր՝ պարային և երաժշտական կատարումներ: Միջոցառման մասնակիցներն էին Ս. Բարխուդարյանի անվան երաժշտական դպրոցը և <<Արմենիա>> պարային համույթը: Միջոցառումը մեկնարկեց թանգարանի դահլիճում, որտեղ Ս. Բարխուդարյանի անվ. երաժշտական դպրոցի սաները ներկայացրեցին հայկական ժողգործիքներով կատարումներ: Երաժշտական մասից հետո տարեցների համար կազմակերպվել էր շրջայց թանգարանի ցուցասրահում և տոհմատանը: Հաջորդիվ մեր թոշակառու բարեկամներին թանգարանի այգում սպասում էր <<Արմենիա>> պարային համույթը: Նրանց կողմից վայելեցինք հայ ազգային, վրացական և ժամանակակից պարեր:
Աննկարագրելի էր մեր տարեցների ուրախությունն ու գոհունակությունը: Երախտագիտության մեծ զգացումով նրանք հեռացան թանգարանից:
ՄԻՋՈՑԱՌՈՒՄ ՏԱՐԵՑՆԵՐԻ ՀԱՄԱՐ
16
Հնս
