Մարտի 16-ին տուն-թանգարանում տեղի ունեցավ գիտական խորհրդի հերթական նիստը: Նիստին ներկա էին թանգարանի տնօրեն և գիտական խորհրդի նախագահ Վ. Քոսակյանը, գիտական խորհրդի անդամներ՝ Ե. Չարենցի անվ. գրականության և արվեստի թանգարանի տնօրեն Կ. Վարդանյանը, Օրբելի եղբայրների տուն-թանգարանի տնօրեն Մ. Բունիաթյանը, ԵՊՀ հայ գրականության ամբիոնի վարիչ, բանասիրական գիտությունների դոկտոր, պրոֆեսոր Ս. Մուրադյանը և թանգարանի ցուցադրությունների կազմակերպման և հանրահռչակման բաժնի վարիչ Ա. Ստամբոլցյանը:
Օրակարգի հարցերն էին՝
- <<Խ. Աբովյանիտուն-թանգարան>> ՊՈԱԿ-ի 2019թ-իգիտականծրագրերիքննարկում:
- Թանգարանի գործունեությունն առավել ակտիվացնելու նպատակով՝ ցուցասրահում ինտերակտիվ-վիրտուալ դրվագների ներմուծման, ցուցադրանքի կոնցեպցիայի փոփոխության, թանգարանի բակում Աբովյանի ժամանակաշրջանի ավանդական կենցաղի առարկայական-ինտերակտիվ դրվագների կազմակերպման վերաբերյալ թանգարանի կողմից ներկայացված ծրագրի քննարկում:
- Ընթացիկ հարցեր:
Օրակարգի վերոնշյալ հարցերը, քննարկումից հետո, արժանացան գիտական խորհրդի հավանությանն ու հաստատմանը:
