Sorry, this entry is only available in Հայերեն. For the sake of viewer convenience, the content is shown below in the alternative language. You may click the link to switch the active language.
Տուն-թանգարանի գիտակրթական ծրագրերի շրջանակներում իրականացվող թանգարանային պրակտիկայի 4-րդ շաբաթը նվիրված էր թանգարանի ցուցադրությունների կազմակերպման և հանրահռչակման բաժնի աշխատանքներին: Նույն բաժնի վարիչ Ա. Ստամբոլցյանը ուսանողներին ծանոթացրեց <<Թանգարան>> հասկացությանը և խոսեց թանգարանի կրթական դերի և նշանակության մասին: Այնուհետև ուսանողներին ներկայացվեց ցուցադրությունների կազմակերպման և հանրահռչակման բաժնի գործունեությունը, մասնավորապես՝ թանգարանային միջոցառումների, կրթական ծրագրերի և միջոցառումների, ժամանակավոր ցուցահադեսների կազմակերպման և իրականացման աշխատանքները: Ուսանողները նաև լսեցին դասախոսություններ՝ <<Աբովյանի հիմնած առաջին հայրենագիտական թանգարանը>> և <<Աբովյանը արվեստում>> թեմաներով: Այս ընթացքում ուսանողները ներկայացրեցին իրենց գործնական աշխատանքները. Եղոյան Մասիսը խոսեց Փարիզի Օրսեյ և Լիսաբոնի Գ. Գյուլբեկյանի թանգարանների մասին, Խաչատրյան Անահիտը ներկայացրեց Երևանի ժամանակակից թանգարանը և Մադրիդի Պրադոյի թանգարանը:
