Извините, эта страница доступна только на Հայերեն For the sake of viewer convenience, the content is shown below in the alternative language. You may click the link to switch the active language.
Ապրիլի 10-ին տուն-թանգարանում Ֆրանկոֆոնիայի երկամսյակի շրջանակներում տեղի ունեցավ հերթական միջոցառումը: Ինչպես միշտ, տուն-թանգարանը հանդես եկավ հագեցած ծրագրով: Միջոցառման շրջանակներում զեկույցներով հանդես եկան թանգարանի աշխատակիցներ Ն. Դանիելյանը և Ս.Ավոյանը <<Ֆրանսերեն լեզուն>> և <<Աշխարհահռչակ Նապոլեոնը>> թեմաներով: Ֆրանկոֆոնիային նվիրված հետաքրքիր ծրագրով հանդես եկան Ֆրանսիական քոլեջի ուսանողները: <<Զեյթուն>> մշակութային կենտրոնի <<Հայասա>> թատերախումբը՝ գեղարվեստական ղեկավար Ալլա Թորոսյանի գլխավորությամբ ևս մեկ անգամ զարմացրեց գեղեցիկ բեմականացմամբ և միանգամայն այլ ձևաչափով: Այս անգամ նրանց կողմից ֆրանսերեն լեզվով վայելեցինք Շառլ Պերոյի <<Թութուշիկ Ռիքեն>> հեքիաթի ինտերակտիվ զրույց-ներկայացումը, որը ակնկալում էր հանդիստաեսի պատասխաններն ու մասնակցությունը ներկայացմանը: Միջոցառման ավարտին, ավանդույթի համաձայն, մասնակիցներին հանձնվեց աբովյանական հուշանվերներ:
Խ. Աբովյանի տուն-թանգարանը իր խորին շնորհակալությունն է հայտնում միջոցառման մասնակիցներին՝ <<Զեյթուն>> մշակութային կենտրոնի <<Հայասա>> թատերախմբին՝ ի դեմս գեղարվեստական ղեկավար Ալլա Թորոսյանի և Ֆրանսիական քոլեջին՝ ի դեմս փոխտնօրեն Ռուզաննա Ադոյանի:
