Извините, эта страница доступна только на Армянский For the sake of viewer convenience, the content is shown below in the alternative language. You may click the link to switch the active language.
Օր չորրորդ
*********
Հոկտեմբերի 26-ին «Ուղևորություն դեպի Անի» մեծահասակների կրթական ծրագրի հերթական մասնակիցներն էին Երևանի Դավիթաշեն և Նորք-Մարաշ վարչական շրջանների թոշակառուները:
Սովորականի պես ծրագիրը մեկնարկեցինք «Տեսնեմ Անի» երգի կարաոկե կատարումով: Մեր տարեցները մեծ պատրաստակամությամբ և ոգևորությամբ կատարեցին երգը: Այնուհետև հետևեց ծրագրի բովանդակային մասը: Ծրագրի վարող Սաթենիկ Ավոյանը, սլայդերի և տեսանյութերի ուղեկցությամբ, ներկայացրեց Անի քաղաքի պատմությունը: Այնուհետև խոսեց Խ. Աբովյանի «Ուղևորություն դեպի Անիի ավերակները» ուղեգրության մասին: Այս ամբողջ ընթացքում մեր մասնակիցները ուշադիր և կլանված հետևում էին ներկայացվող նյութին: Նախորդ ծրագրերի պես, այս անգամ նույնպես ակտիվ էր ծրագրի ինտերակտիվ մասը: Ինչպես երևում էր, մասնակիցները խորապես տպավորված և հուզված էին Անի քաղաքի պատմությամբ: Նրանց կողմից հնչեցին բավականին հետաքրքիր մեկնաբանություններ և կարծիքներ:
Ծրագրի հաջորդ քայլը մասնակիցներին Աբովյանի կյանքին և գործունեությանը ծանոթացնելն էր: Թանգարանի էքսկուրսավար Ն. Դանիելյանի ուղեկցությամբ նրանք շրջեցին թանգարանի ցուցասրահում և տոհմատանը, որտեղ նրանք մանրամասն տեղեկացան մեծն լուսավորչի կյանքի պատմությանը:
Աննկարագրելի էր մեր տարեցների գոհունակությունն ու երախտագիտությունը, շնորհակալական խոսքերի տեղատարափը:
