Извините, эта страница доступна только на Армянский For the sake of viewer convenience, the content is shown below in the alternative language. You may click the link to switch the active language.
Օր երրորդ
*********
Հոկտեմբերի 25-ին «Ուղևորություն դեպի Անի» մեծահասակների կրթական ծրագրի մասնակիցներն էին Նոր-Նորք վարչական շրջանի թոշակառուները: Ինչպես նախորդ ծրագրերին, այս անգամ ևս մեր տարեցները կլանված և ուշադիր լսում էին ներկայացվող նյութը: Հետաքրքրաշարժ է հատկապես «Տեսնեմ Անի» երգի կարաոկե կատարումը նրանց կողմից: Միա՜յն պետք է տեսնել, թե ինչքան հուզմունք և թախիծ է նրանց պատում երգի բառերն արտաբերելիս: Ծրագրի ինտերակտիվ մասում լսեցինք մասնակիցների կարծիքը թեմայի վերաբերյալ: Նախորդ օրերի պես քննարկումը ակտիվ էր և հագեցած: Ծրագրի ավարտին, սահմանված կարգով, մասնակիցները շրջեցին թանգարանի ցուցասրահում, տոհմատանը և այգում: Թանգարանի էքսկուրսավար Ն. Դանիելյանը հանգամանորեն ներկայացրեց Խ. Աբովյանի կյանքը, մանկավարժական, հասարակական և գրական գործունեությունը: Մեր տարեց բարեկամների ոգևորությանը և երախտագիտությանը չափ չկար: Գոհունակության և շնորհակալության խոսքերով մասնակիցները հեռացան թանգարանից:
Ծրագիրը վարեց «Ուղևորություն դեպի Անի» կրթական ծրագրի հեղինակ և համակարգող Սաթենիկ Ավոյանը:
