Извините, эта страница доступна только на Армянский For the sake of viewer convenience, the content is shown below in the alternative language. You may click the link to switch the active language.
Խ. Աբովյանի տուն-թանգարանի որդեգրած բարի ավանդույթներից է սահմանամերձ մարզերի հետ աշխատանքը: Թանգարանի նախաձեռնությամբ 2019 թվականի ընթացքում ՀՀ Շիրակի մարզի Զույգաղբյուր գյուղի միջն. դպրոցում և Արագածոտնի մարզի Վարդաբլուր գյուղի Խ. Աբովյանի անվ. միջն. դպրոցում կազմակերպվելու է «Խաչատուր Աբովյան» շրջիկ ցուցադրությունը: Ցուցադրության նպատակն է աշակերտներին ծանոթացնել Խ. Աբովյանի կենսագրությանն ու գործունեությանը: Առաջին հանգրվանն էր Շիրակի մարզի Զույգաղբյուր գյուղը: Ապրլիի 26-ին գյուղի միջն. դպրոցում 1 ամսով բացվեց «Խաչատուր Աբովյան» շրջիկ ցուցադրությունը: Բացմանը ողջույնի խոսքով հանդես եկավ թանգարանի տնօրենի ժամանակավոր պաշտոնակատար Սյուզաննա Խոջամիրյանը, որից հետո թանգարանի ավագ գիտաշխատող Աննա Մարալյանը ներկայացրեց ցուցադրությունը՝ մանրամասն անդրադառնալով Խ. Աբովյանի կյանքին, գործունեությանն ու ստեղծագործությանը:
