Извините, эта страница доступна только на Армянский For the sake of viewer convenience, the content is shown below in the alternative language. You may click the link to switch the active language.
Մայիսի 6-8-ը Կապանի թիվ 1 հիմնական, թիվ 3 միջնակարգ և Ա. Մարգարյանի անվ. թիվ 7 հիմնական դպրոցներում տեղի ունեցավ «Մեծն լուսավորիչ Խաչատուր Աբովյան» ամենամյա գիտակրթական մրցույթ-միջոցառումը: Մայիսի 6-ին Կապանի թիվ 1 հիմնական դպրոցում տեղի ունեցավ հանդիպում-քննարկում թանգարանի աշխատակիցների, մասնակից դպրոցների տնօրենների, ուսուցիչների և Կապանի մարզպետարանի կրթության, մշակույթի և սպորտի վարչության պետի մասնակցությամբ: Մայիսի 7-ին Կապանի թիվ 1 հիմնական, թիվ 3 միջնակարգ և Ալ. Մարգարյանի անվ. թիվ 7 հիմնական դպրոցներում տեղի ունեցան «Մեծն լուսավորիչ Խաչատուր Աբովյան» մրցույթ-միջոցառման ներդպրոցական փուլերը: Համաձայն ընթացակարգի՝ մրցույթի ներդպրոցական փուլերին յուրաքանչյուր դպրոցից մասնակցում էին 3-ական խումբ՝ կազմված 5-ական մասնակիցներից: Միջոցառման ժյուրիի անդամներն էին՝ 1. Քաջարանի թիվ 1 դպրոցի տնօրեն Անահիտ Գևորգյան 2. Կապանի թիվ 3 միջն. դպրոցի հայոց լեզվի և գրականության ուսուցչուհի Հասմիկ Գրիգորյան 3. Կապանի Ա. Մարգարյանի անվ. թիվ 7 հիմն. դպրոցի հայոց լեզվի և գրականության ուսուցչուհի Էլեոնորա Առուստամյան 4. Կապանի թիվ 1 հիմն. դպրոցի տնօրեն Լուսինե Զաքարյան 5. Խ.Աբովյանի տուն-թանգարանի ավագ գիտաշխատող Սաթենիկ Ավոյան Մասնակից թիմերը ներկայացան հետևյալ անուններով. Կապանի թիվ 1 հիմն. դպրոց՝ Անմահի հետքերով, Հարմոնիա, Արարատ Կապանի թիվ 3 միջնակարգ դպրոց՝ Զարթոնք, Պատանի աբովյանականներ, Լիբեր Արմենիեր Կապանի Ա. Մարգարյանի անվ. թիվ 7 հիմն. դպրոց՝ Վիկտորիա, Մեծն քանաքեռցին, Հավերժի ճամփորդը: Մրցույթի հարցերին պատասխանելուց հետո, թիմերը, որպես գեղարվեստական համար, ներկայացրեցին Խ. Աբովյանի առակների բեմականացումներ: Ներդպրոցական փուլերի բոլոր մասնակիցները թանգարանի կողմից ստացան աբովյանական հուշանվերներ, հաղթող թիմերը ստացան աբովյանական հուշամեդալներ, պատվոգրեր և շնորհակալագրեր հետևյալ անվանակարգերի համար՝ «Լավագույն գրական խոսք», «Լավագույն թիմային աշխատանք» և «Լավագույն գեղարվեստական համար»: Մայիսի 8-ին Կապանի թիվ 1 հիմն. դպրոցում տեղի ունեցավ մրցույթ-միջոցառման եզրափակիչ փուլը, որին մասնակցում էին ներդպրոցական փուլերի հաղթող թիմերը՝ «Արարատ», «Պատանի աբովյանականներ» և «Վիկտորիա»: Եզրափակիչ փուլի հաղթող ճանաչվեց Կապանի Ա. Մարգարյանի անվ. թիվ 7 հիմնական դպրոցի «Վիկտորիա» խումբը: Հաղթող թիմը թանգարանի կողմից ստացավ հուշանվեր «Լավագույն աբովյանականներ» և պատվոգիր, ինչպես նաև շնորհակալագրեր վերոնշյալ երեք անվանակարգերի համար: Մրցույթի ընթացքում խոսքով հանդես եկավ թանգարանի տնօրենի ժամանակավոր պաշտոնակատար Ս. Խոջամիրյանը, մրցույթը վարեց թանգարանի ցուցադրությունների կազմակերպման և հանրահռչակման բաժնի վարիչ Ա. Ստամբոլցյանը: Մրցույթի արդյունքում ավելի քան 60 աշակերտ ծանոթացավ և հաղորդակից դարձավ մեծն լուսավորչի կյանքին, գործունեությանը և ստեղծագործությանը: Խ. Աբովյանի տուն-թանգարանը իր խորին շնորհակալությունն է հայտնում Կապանի մարզպետարանի կրթության, մշակույթի և սպորտի վարչության պետ Մերի Գանդալյանին, մասնակից դպրոցների տնօրեններին՝ Կապանի թիվ 1 հիմնական դպրոցի տնօրեն՝ Լուսինե Զաքարյանին, թիվ 3 միջնակարգ դպրոցի տնօրեն Արթուր Մնացականյանին, Ա. Մարգարյանի անվ. թիվ 7 հիմնական դպրոցի տնօրեն Կարինե Հովսեփյանին, ժյուրիի անդամներին, ինչպես նաև մասնակից թիմերի հետ աշխատող ուսուցիչներին՝ մրցույթ-միջոցառմանը գործուն մասնակցություն ցուցաբերելու համար:
