ՄԵԾԱՀԱՍԱԿՆԵՐԻ ԿՐԹԱԿԱՆ ԾՐԱԳԻՐ

Извините, эта страница доступна только на Армянский For the sake of viewer convenience, the content is shown below in the alternative language. You may click the link to switch the active language.

ՈՒՂԵՎՈՐՈՒԹՅՈՒՆ ԴԵՊԻ ԱՆԻ
Մեկնարկը տրված է…

«Խոսել Անիի մասին, նշանակում է շոշափել Հայաստանի պատմության ամենանրբին տեղը»:
Խ. Աբովյան
************
Օր առաջին

*************
Խ. Աբովյանի տուն-թանգարանում հոկտեմբերի 23-ին մեկնարկեց «Ուղևորություն դեպի Անի» կրթական ծրագրի առաջին փուլը:
Ծրագրի մասնակիցներն էին Աջափնյակ և Էրեբունի վարչական շրջանների թոշակառուները:
Ծրագիրը մեկարկեց «Տեսնեմ Անին» (խոսք՝ Հ. Շիրազի, երաժշտ.՝ Մ. Թոշիկյանի) երգով: Մեր թոշակառուները մեծ ոգևորությամբ և հուզմունքով օնլայն երգեցին (կարաոկե): Այնուհետև, համապատասխան սլայդների և տեսանյութերի ուղեկցությամբ, մասնակիցները տեղեկացան Անի քաղաքի, նրա քաղաքակրթության, մշակույթի, եկեղեցիների, տնտեսության, հիմնադիրների, թագավորների, նվաճողների և կործանման մասին: Ծանոթացան Խ. Աբովյանի «Ուղևորություն դեպի Անիի ավերակները» ուղեգրությանը, որտեղ հեղինակը նկարագրել է 1847թ. դեպի Անի կատարած իր ուղևորությունը, ինչպես նաև այս ճամփորդության ժամանակ նրա կատարած ուսումնասիրութուններին և Հայասատանի տնտեսական և մշակութային կյանքը բարելավելու դիտողություններին: Ծրագրի եզրափակիչ մասը ինտերակտիվ բնույթ էր կրում: Մասնակիցներին հնարավորություն տրվեց իրենց կարծիքը հայտնելու թեմայի վերաբերյալ: Մեր թոշակառուները բավականին ակտիվ և բանիմաց գտնվեցին: Նրանց կողմից հետաքրքիր տեսակետներ հնչեցին: Մասնակիցներից՝ Ռոզա Ներսեսյանը ցանկություն հայտնեց ասմունքով հանդես գալու:
Ծրագրի ավարտին մասնակիցները շրջայց կատարեցին թանգարանի ցուցասրահում և տոհմատանը: էքսկուրսավար Ն.Դանիելյանը նրանց հանգամանորեն ներկայացրեց Խ. Աբովյանի կյանքը, գործունեությունը և ստեղծագործությունը:
Խորին երախտագիտության և բավականության մեծ զգացումով մեր թոշակառուները հեռացան թանգարանից:
Ծրագիրը վարեց ծրագրի հեղինակ և համակարգող Սաթենիկ Ավոյանը:

Խ. Աբովյանի տուն-թանգարանը խորին շնորհակալություն է հայտնում Թանգարանային կրթության կենտրոնին և նրա գործընկերներ՝ Դի-Վի-Վի Ինթերնեյշնալ կազմակերպությանը և Թանգարանների աշխատողների և բարեկամների ասոցիացիային թանգարաններում մեծահասակների կրթական ծրագրեր իրականացնելու և հնարավորություն ընձեռելու թանգարանային կյանք ինտեգրելու համար: