ԿՐԹԱՄՇԱԿՈՒԹԱՅԻՆ ԾՐԱԳՐԵՐ

Извините, эта страница доступна только на Հայերեն For the sake of viewer convenience, the content is shown below in the alternative language. You may click the link to switch the active language.

ԿՐԹԱԿԱՆ ԾՐԱԳՐԵՐԻ ՄԵԿՆԱՐԿԸ ՏՐՎԱԾ Է

Խ. Աբովյանի տուն-թանգարանի գիտաշխատողները թանգարանի կրթամշակութային գործունեության շրջանակներում մշակում և առաջարկում են նոր կրթական ծրագրեր: Այն համալիր և շարունակական գործընթաց է, որի հիմքում ընկած են կրթակամշակութային ծրագրերի մշակումը, դրանց կազմակերպումը և իրագործումը, նոր ձևերի հայտնաբերումն ու ներդրումը: Թանգարանի ցանկացած կրթական ծրագիր նպատակ ունի ապահովել այցելուի զարգացումը, նոր գիտելիքների ձեռբերումը և կատարելագործումը:
Թանգարանի կրթական ծրագրերը նախատեսված են կրտսեր, միջին, ավագ դպրոցականների և միջին մասնագիտական ուսումնական հաստատությունների համար:
Թանգարանի երկու կրթական ծրագրերը՝ «Երևանի բերդի գրավումը» /7-12 դասարաններ/, «Տարվա եղանակները» /1-4-րդ դասարաններ/, համալրվել են ևս երկուսով՝ «Արհեստները Խ. Աբովյանի գործունեության համատեքստում» /ավագ դպրոցներ և միջին մասնագիտական ուսումն. հաստատություններ/ և «19-րդ դարի տների կառուցվածքն ու կենցաղը Աբովյանի պատկերմամբ» /4-8-րդ դասարաններ/: