Извините, эта страница доступна только на Армянский For the sake of viewer convenience, the content is shown below in the alternative language. You may click the link to switch the active language.
Դեկտեմբերի 4-ից 12-ը տուն-թանգարանում մեկնարկեց և հաջողությամբ իրագործվեց «Կարդում ենք Աբովյան» նախագիծը:
Նախագծի մասնակիցներն էին «Հայ-չինական բարեկամության դպրոցի» հիմնադրամի 9ա և 9գ դասարանները:
Նախագծի նպատակն է՝
- Աշակերտների մեջ հետաքրքրություն խթանել Աբովյանի կյանքի, գործունեության և ստեղծագործության նկատմամբ:
- Ուսումնասիրել, վերլուծել և տարածել Խաչատուր Աբովյանի ստեղծագործությունները:
Նախագիծը իրականացվեց դասարանների 2-ական այցով: Առաջին այցի ընթացքում աշակերտները ծանոթացան թանգարանի հիմնական ցուցադրության 12 բաժիններին, բացի դրանից՝ աշակերտներին առավել մանրամասն ներկայացվեց Աբովյանի գրական և հասարակական գործունեությունը: Յուրաքանչյուր բաժնում աշակերտները կարդացին տվյալ բաժնին համապատասխան հատվածներ Աբովյանի ստեղծագործություններից:
Երկրորդ այցի ընթացքում աշակերտները կատարեցին աբովյանական ընթեցումներ: Կարդացին հատվածներ «Վերք Հայաստանի» պատմավեպից, «Պարապ վախտի խաղալիք» ժողովածուից առակներ, պատմվաքծներ, ասացվածքներ, բանաստեղծություններ: Թանգարանի աշխատակիցների հետ միասին կատարեցին քննարկումներ, վերլուծություններ: Աշակերտները աչքի ընկան վերլուծական մտքով, առանձնապես աչքի ընկավ 9ա դասարանը:
Նախագծի օգնությամբ աշակերտները բավականաչափ ճանաչեցին և բացահայտեցին Աբովյանի հարուստ ստեղծագործությունը և կենսագրական շատ տվյալներ:
Նախագիծը արձանագրեց բավականին դրական արդյունք և կրելու է շարունակական բնույթ:
