Извините, эта страница доступна только на Հայերեն For the sake of viewer convenience, the content is shown below in the alternative language. You may click the link to switch the active language.
Ապրիլի 25-ին տուն-թանգարանում տեղի ունեցավ Խ.Աբովյանի տուն-թանգարանի հիմնադրման 80-ամյակին և <<Վերք Հայաստանի>> պատմավեպի տպագրման 160-ամյակին նվիրված հոբելյանական միջոցառում: Ողջույնի խոսքով միջոցառումը մեկնարկեց թանգարանի տնօրեն Վ. Քոսակյանը: Հնչեցին զեկույցներ թանգարանի աշխատակիցներ՝ Ա. Մարալյանի, Մ. Բաղդասարյանի և ԵՊՀ հայ բանասիրության ֆակուլտետի դեկան, բգդ, պրոֆեսոր Ա. Ավագյանի կողմից: Խոսքով հանդես եկան նաև ԵՊՀ հայ գրականության ամբիոնի վարիչ, բգդ, պրոֆեսոր Ս. Մուրադյանը, Խ. Աբովյանի անվ. ՀՊՄՀ թանգարանագիտության ամբիոնի դասախոս, ԻԿՕՄ-ի Հայաստանի ազգային կոմիտեի խորհրդի անդամ Դ. Պողոսյանը և մեծ լուսավորչի ժառանգներից՝ Էլբիս Պեպլոզյանը: Միջոցառման հյուրերին և մասնակիցներին, ի նշանավորումն այս նվիրական օրվա, տրվեցին տուն-թանգարանի հիմնադրման 80-ամյակին նվիրված ծալաթերթիկներ և <<Վերք Հայաստանի>> պատմավեպի տպագրման 160-ամյակին նվիրված բացիկեր: Միջոցառման գեղարվեստական մասի համար նախատեսված կատարումները, Հայաստանի Հանրապետությունում ստեղծված իրավիճակի պատճառով, կներկայացվեն թանգարանի առաջիկա միջոցառումների ընթացքում: Տուն-թանգարանը իր շնորհակալությունն է հայտնում միջոցառման հյուրերին՝ թանգարանի համար այս նվիրական և հիշարժան օրը իրենց ներկայության և մասնակցության համար:
