Извините, эта страница доступна только на Армянский For the sake of viewer convenience, the content is shown below in the alternative language. You may click the link to switch the active language.
ԼՂՀ՝ ՇՈՒՇԻԻ Խ.Աբովյանի անվ. միջնակարգ հոսքային դպրոց—«Մեծն Լուսավորիչ Խաչատուր Աբովյան» 2017
գիտակրթական մրցույթ-միջոցառում /ներդպրոցական փուլ/:
—————————————————————————
Արցախի հոգի,պատմական Շուշի՝ այստեղ անցյալն ու ներկան, հինն ու նորը ապրում էին միասին: Այս հրաշք վայրն իր բարեհամբույր և սրտաբաց բնակիչներով անմիջապես մեր սրտերում իր տեղը գտավ: Ավելի քան երբևէ զգացինք ու հասկացանք, թե ինչ ասել է հոգու ճախրանք:
—————————————————————————
Ապրիլի 28-ին, վաղ առավոտյան մրցույթ-միջոցառման ներդպրոցական փուլն անցկացնելու նպատակով հյուրընկալվեցինք Շուշի քաղաքի Խ.Աբովյանի անվ. միջնակարգ հոսքային դպրոցում: Դպրոցի տնօրեն՝ Լիաննա Հարությունյան:
———————————————————————————
— Սրտումդ ճոխ եկեղեցի…հավատքի սրբատեղի…
—Շուշի, շուշի, այ իմ Շուշի……քանի հետ դու տեվիր փոշիդ….էտ ցավերիդ էլ կացիր, նորից մինա յեր կացիր …
-Արցախը միշտ շեն կենա, անկախ ապրէ լեն կենա: Աստված օրթնէ զորանանք, ծիլինք, ծաղկինք, շըտանանք….
-Մեր Շուշվեցոց սիրտը պեցա, ղունաղի ղատը տոռը միշտ պացա: Ղունաղին Աստծո տեղ կընդունինք, սեր, հարգանքով հղե տինինք:
-Երևանը մեր սիրտնա, Շուշին սրտէ զարկնա….Շուշվա մինչև Երևան, հույս հավատի հղենա……
Այ այսպիսի քաղցր խոսքով մեզ դիմավորեցին Շուշիի դպրոցում:
——————————————————————————————
Դպրոցի տնօրեն Լիաննա Հարությունյանը և թանգարանի տնօրեն Վահրամ Քոսակյանը ողջունեցին ներկաներին և մասնակիցներին՝ մաղթելով հաջողություն և առողջ մրցակցություն:
Մրցույթ-միջոցառման ժյուրիի կազմում էին՝
●Արևիկ Ստամբոլցյան՝ Խ.Աբովյանի տուն-թանգարանի ավագ գիտաշխատող
● Հասմիկ Մանուկյան՝ Երևանի ՀԱՊՀ լեզվի և գրականության դասախոս
●Էլվիրա Գրիգորյան՝Ստեփանակերտի Խ.Աբովյանի անվ. Հ.1 դպրոցի լեզվի և գրակ. առարկայական մասնախմբի ղեկավար
● Լիդա Մկրտչյան՝Շուշիի Խ.Աբովյանի անվան միջնակարգ հոսքային դպրոցի փոխտնօրեն
●Սուսաննա Համբարձումյան՝ Արցախի պատմաերկրագիտական թանգարանի ֆոնդապահ
● Մրցույթ միջոցառումը վարեց Խ.Աբովյանի տուն-թանգարանի ցուցադրությունների կազմակերպման և հանրահռչակման բաժնի վարիչ Լուսինե Մելքոնյանը:
Մրցույթ-միջոցառմանը մասնակցում էին հետևյալ թիմերը՝
● «ՔԱՆԱՔԵՌ»
Թիմի նշանաբանը՝ «Մենք համբուրելով մեր նախնիների վայրը սրբազան, աղոթում ենք միշտ, որ մեր աշխարհում մի պատվար լինենք»:
Ուսուցիչ՝Վ.Հակոբյան
Թիմի տղաներից եղբայրներ Տիգրան և Արտակ Գաբրիելյանները փայլուն ներկայացրեցին «Գայլն ու գառը» առակը, որից հետո լսեցինք թիմի ավագ Լինայի չափազանց գրագետ մեկնաբանությունը:
● «ՔԱՆԱՔԵՌ» թիմը ճանաչվեց ներդպրոցական փուլի հաղթող՝ ստանալով Պատվոգիր և աբովյանական հուշանվերներ, ինչպես նաև Շնորհակալագիր՝«Լավագույն գեղարվեստական համար» անվանակարգին արժանանալու համար:
Չենք կարող առանձնահատուկ չնշել այս թիմի ավագ՝ Լինա Միրզոյանին: Այս Շուշվա համ ու հոտով աղջնակը մեզ հիացրեց իր լեզվամտածողությամբ, ստեղծագործական, վերլուծական հզորագույն տաղանդով:
● «ԶՈՐՈՒԹՅՈՒՆ»
Թիմի նշանաբանը՝ «Տասը լեզու սովորեցեք, բայց ձեր լեզուն, ձեր հավատը ղայիմ բռնեցեք»:
Ուսուցիչ՝Հ.Ավանեսյան
● «ԶՈՐՈՒԹՅՈՒՆ» թիմը ստացավ Շնորհակալագիր՝«Լավագույն թիմային աշխատանք» անվանակարգին արժանանալու համար:
● «ԶԱՐԹՈՆՔ»
Թիմի նշանաբանը՝ «Շունչդ տուր, հոգիդ, բայց քո հայրենիքը մի տուր թշնամյաց»:
Ուսուցիչ՝Ն.Խաչատրյան
● «ԶԱՐԹՈՆՔ» թիմը ստացավ Շնորհակալագիր՝«Լավագույն գրական խոսք» անվանակարգին արժանանալու համար:
————————————————————————-
Միջոցառման ավարտին թանգարանի տնօրեն Վահրամ Քոսակյանը, որպես հուշ դպրոցին նվիրեց Խաչատուր Աբովյանի անվան սկզբնատառերով փայտե ժամացույց:
