Извините, эта страница доступна только на Армянский For the sake of viewer convenience, the content is shown below in the alternative language. You may click the link to switch the active language.
Ապագա աշխարհագրագետների աբովյանական բացահայտումները….
Հունիսի 12-ին Խ. Աբովյանի տուն-թանգարանի գիտակրթական միջոցառումների շրջանակներում տեղի ունեցավ «Խ. Աբովյանը՝ աշխարհագրության ուսուցիչ» խորագրով բաց-դաս միջոցառում Խ. Աբովյանի անվան ՀՊՄՀ Կենսաբանության, քիմիայի և աշխարհագրության ֆակուլտետի աշխարհագրության բաժնի 1-ին և 2-րդ կուրսի ուսանողների մասնակցությամբ և նույն համալսարանի աշխարհագրության և նրա դասավանդման մեթոդիկայի ամբիոնի դոցենտ, Մանկավարժական գիտությունների թեկնածու Սիմա Դայանի անմիջական ղեկավարությամբ:
Միջոցառման ծրագիրը հագեցած էր աբովյանագիտական թեմաներով. ուսանողները, ընդլայնելով միջոցառման խորագրի շրջանակները, ուսումնասիրել և իրենց համար նորովի բացահայտել էին Աբովյանի կենսագրության և գործունեության այլ կողմեր ևս:
Ապագա աշխարհագրագետները ներկայացան հետևյալ
թեմաներով՝
1.Աբովյանի մանկավարժական գործունեությունը Թիֆլիսում՝ 1836-1843թթ.
2. Աբովյանի մանկավարժական գործունեությունը Թիֆլիսում՝ 1843-1848թթ.
3. Երևանում Աբովյանի մասնավոր դպրոցի հարցը.
4.Խ. Աբովյանի կուլտուր-լուսավորչական գործունեությունը.
5. Խ. Աբովյանի աշխարհագրական էքսկուրսիաները և դասերը.
6. Խ. Աբովյանի դասավանդման մեթոդները.
7. Խ. Աբովյանի կողմից օգտագործված քարտեզները.
8. Խ. Աբովյանի շրջագայությունները.
Հագեցած էր նաև միջոցառման գեղարվեստական մասը: Ուսանողները զարմացրեցին գեղեցիկ պարային և երաժշտական ելույթներով:
Նրանց կատարմամբ վայելեցինք «Առավոտ լուսո», «Հայաստան աշխարհ» , «Հրով լինի, սրով լինի» երգերը: Ինչպես նաև Ուզուն Դարա և Ջեյրան պարային կատարումները:
Միջոցառման ավարտից հետո ուսանողները շրջայց կատարեցին թանգարանի ցուցասրահում և տոհմատանը:
