Извините, эта страница доступна только на Հայերեն For the sake of viewer convenience, the content is shown below in the alternative language. You may click the link to switch the active language.
ՕՐ ՉՈՐՐՈՐԴ
12.05.2018թ.
Մայիսի 12-ին Տավուշի մարզի Բերդի թիվ 1 դպրոցում տեղի ունեցավ <<Մեծն լուսավորիչ Խաչատուր Աբովյան>> մրցույթ-միջոցառման եզրափակիչ փուլը:
Եզրափակիչ փուլի մասնակից թիմերն էին ներդպրոցական փուլի հաղթող թիմերը՝ <<Կենդանի հերոս>>՝ Բերդի թիվ 1 դպրոց և <<Հավատ>>՝ Բերդի թիվ 4 դպրոց:
Մրցույթ-միջոցառման ժյուրիի կազմում՝
1. Բերդի թիվ 3 դպրոցի հայոց լեզվի և գրականության ուսուցչուհի Մարուսյա Քոսակյանը,
2. Բերդի թիվ 4 դպրոցի հայոց լեզվի և գրականության ուսուցչուհի Անահիտ Սարգսյանը,
3. Տավուշի ավագ դպրոցի հայոց լեզվի և գրականության ուսուցչուհի Լուսինե Թումանյանը,
4. Բերդի թիվ 1 դպրոցի հայոց լեզվի և գրականության ուսուցչուհի Մերի Ավալյանը,
5. Խ. Աբովյանի տուն-թանգարանի ավագ գիտաշխատող Աննա Մարալյանը:
Միջոցառումը վարեց թանգարանի ցուցադրությունների կազմակերպման և հանրահռչակման բաժնի վարիչ Արևիկ Ստամբոլցյանը:
Մասնակից թիմերը ընդունված կարգով ներկայացրեցին թիմերի անունները և կարգախոսները՝
Բեդի թիվ 4 դպրոց՝ <<Հավատ>>, կարգախոսը՝ <<Բարի կաց, բարություն արա, հողածին մարդ: Ծառի պես պտուղ տուր, ծաղկի պես հոտ, սարի պես աղբյուր, դաշտի պես՝ մասիլ, երկրի պես՝ հաց, երկնքի պես՝ լիս>>:
Բեդի թիվ 1 դպրոց՝ <<ԿԵՆԴԱՆԻ ՀԵՐՈՍ>>,
կարգախոսը՝ <<Ժողովրդի հոգու թարգմանը>>:
Հարցերին պատասխանելուց հետո, ընթացակարգի համաձայն, մասնակից թիմերը ներկայացրեցին Խ. Աբովյանի առակներից:
<<ԿԵՆԴԱՆԻ ՀԵՐՈՍ>> թիմը ներկայացրեց Խ. Աբովյանի <<Սոխն ու սխտորը>> առակը, իսկ <<Հավատ>> թիմը՝ <<Հացակեր փեշը>> առակը:
<<Մեծն լուսավորիչ Խաչատուր Աբովյան>> մրցույթ-միջոցառման հաղթող ճանաչվեց Բերդի թիվ 1 դպրոցի <<ԿԵՆԴԱՆԻ ՀԵՐՈՍ>> թիմը:
Թանգարանի տնօրենի կողմից նրանց շնորհվեց <<ԼԱՎԱԳՈՒՅՆ ԱԲՈՎՅԱՆԱԿԱՆՆԵՐ>> պարգև-մրցանակը:
Շնորհավորանքի խոսքով հանդես եկան թանգարանի տնօրեն Վ. Քոսակյանը, Բերդի թիվ 1 դպրոցի տնօրեն Ա. Վիրաբյանը և ժյուրիի անդամները:
Թանգարանի տնօրենի անունից շնորհակալագրեր տրվեցին ժյուրիի անդամներին, որոնք հանդես եկան մասնագիտական բարձր վարպետությամբ և օբյեկտիվությամբ:
Մրցույթ-միջոցառման նպատակներն ու ակնկալիքներն արդարացված էին: Թվով 40 աշակերտ հաղորդակից դարձան և ճանաչեցին մեծն լուսավորչի կյանքը, գործունեությունն ու ստեղծագործությունը:
Խ. Աբովյանի տուն-թանգարանը իր խորին շնորհակալությունն է հայտնում դպրոցների տնօրեններին՝ Բերդի թիվ 1 դպրոցի տնօրեն՝ Ա. Վիրաբյանին, Բերդի թիվ 4 դպրոցի տնօրեն Ա. Աբգարյանին, մասնակից թիմերի համակարգողներին և ժյուրիի բացառիկ կազմին:
