Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.
«Խ.Աբովյանի տուն-թանգարան» ՊՈԱԿ-ի նախաձեռնությամբ , ապրիլի 19-ին Սևանի Խ.Աբովյանի անվ.թիվ 1 դպրոցում կայացավ «ՄԵԾՆ ԼՈՒՍԱՎՈՐԻՉ Խ.ԱԲՈՎՅԱՆ» գիտակրթական մրցույթ-միոցառման ներդպրոցական փուլը: Մասնակից խմբերը ներկայացան «Հայոց նորահաս երիտասարդք 1», «Հայոց նորահաս երիտասարդք 2», «Հայոց նորահաս երիտասարդք 3» անունների ներքո: Միջոցառումը սկսվեց աշակերտների խրոխտ երգ ու պարով, որին հաջորդեց Հ. Շիրազի «Արձան Աբովյանի» բանաստեղծության կատարումը: Ներկաների տոնական տրամադրությունն ապահովված էր: Աշակերտների միջոցով կենդանացած Աբովյանի առակները`«Մոլլա Մասրադնի պղինձը», «Գայլն ու գառը», «Սոխն ու սխտորը» ավելի տեսանելի դարձրին աբովյանական խոսքի պարզությունն ու մտքի խորությունը, նրա առակների բարոյախրատական և բարոյադաստիարակչական մոտեցումները : Գիտակրթական մրցույթ-միոցառման ներդպրոցական փուլի հաղթող ճանաչվեց «Հայոց նորահաս երիտասարդք 1» թիմը` ստանալով ՊԱՏՎՈԳԻՐ, հուշանվեր և ՇՆՈՐՀԱԿԱԼԱԳԻՐ «ԼԱՎԱԳՈՒՅՆ ԳԵՂԱՐՎԵՍՏԱԿԱՆ ՀԱՄԱՐ» անվանակարգում: «ԼԱՎԱԳՈՒՅՆ ԹԻՄԱՅԻՆ ԱՇԽԱՏԱՆՔ» անվանակարգում ՇՆՈՐՀԱԿԱԼԱԳՐԻ արժանացան «Հայոց նորահաս երիտասարդք 2», «ԼԱՎԱԳՈՒՅՆ ԳԵՂԱՐՎԵՍՏԱԿԱՆ ՀԱՄԱՐ» անվանակարգում «Հայոց նորահաս երիտասարդք 3» թիմերը: Բոլոր մասնակիցները ստացան նվերներ թանգարանի կողմից:
