Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.
Ապրիլի 26-ին Խ.Աբովյանի տուն-թանգարանի դահլիճում կայացավ
2016թ-ի «Մեծն Լուսավորիչ Խաչատուր Աբովյան » գիտակրթական մրցույթ- միջոցառման եզրափակիչ փուլը, որի մասնակիցներն էին՝
ՀՐԱԶԴԱՆԻ Խ.Աբովյանի անվ.թիվ 1 ավագ,
ՍԵՎԱՆԻ Խ.Աբովյանի անվ.թիվ 1 ավագ,
ՎԱՂԱՐՇԱՊԱՏԻ Խ.Աբովյանի անվ.թիվ 4 հիմնական դպրոցների աշակերտները:
Միջոցառման հիմնական նպատակներն էին`
●խթանել Խ. Աբովյանի կյանքի, գործունեության և ստեղծագործության նկատմամբ հետաքրքրություն
●տարածել, հատկապես աշակերտների մեջ, Խ. Աբովյանի ստեղծագործությունները՝ արմատավորել դրանց բարոյախրատական և բարոյադաստիարակչական սկզբունքները
●հանրահռչակել Խ.Աբովյանի կյանքը, մանկավարժական գործունեությունը, բազմաժանր գրական ժառանգությունը
● համագործակցության կամուրջ ստեղծել թանգարանի և ՀՀ մարզերի կրթօջախների միջև
●ավելի հասանելի դարձնել Աբովյանի թողած գրական և մանկավարժական ժառանգությունը Հայաստանի ապագան կառուցող սերնդի համար:
2016թ-ի «Մեծն Լուսավորիչ Խաչատուր Աբովյան» գիտակրթական մրցույթ – միջոցառման եզրափակիչ փուլի հաղթող ճանաչվեց ՎԱՂԱՐՇԱՊԱՏԻ Խ.Աբովյանի անվ. թիվ 4 հիմնական դպրոցը՝ ստանալով մրցանակ և պատվոգիր:
«Առակի լավագույն բեմականացում» անվանակարգում ՊԱՏՎՈԳՐԻ արժանացավ ՍԵՎԱՆԻ Խ.Աբովյանի անվ. թիվ 1ավագ դպրոցը
«Լավագույն գրական խոսք» անվանակարգում ՊԱՏՎՈԳՐԻ արժանացավ ՀՐԱԶԴԱՆԻ Խ.Աբովյանի անվ. թիվ 1ավագ դպրոցը:
Հատուկ ՇՆՈՐՀԱԿԱԼՈՒԹՅՈՒՆ վերոգրյալ դպրոցների տնօրեններ՝ Ա.Մուրադյանին, Հ.Հայրապետյանին, Լ.Մկրտչյանին, մանկավարժներին, մեր շատ սիրելի աշակերտներին, Երևանի Զարդարվեստի ուսումնարանի տնօրեն Լ.Բարսեղյանին, ուսումնարանի վարպետներին և սաներին, ինչպես նաև միջոցառմանը հրավիրված հյուրերին՝ թանգարանի կողմից նախաձեռնած միջոցառման շրջանակներում համագործակցելու համար:
