Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.
Ապրիլի 18-ին թանգարանում տեղի ունեցավ Ֆրանկոֆոնիայի միջազգային օրվան նվիրված միջոցառում: Թեման թումանյանական-կոմիտասյան էր: Միջոցառման մասնակիցներն էին Երևանի Պետական Հումանիտար Քոլեջի ուսանողները: Բացման խոսքով միջոցառումը մեկնարկեց թանգարանի ցուցադրությունների կազմակերպման և հանրահռչակման բաժնի վարիչ Ա. Ստամբոլցյանը, ֆրանսերենով՝ թանգարանի ֆրանսերենի էքսկուրսավար Հ. Մաղաքյանը: Միջոցառման ծրագիրը հագեցած էր երաժշտական, ասմունքային և թատերական կատարումներով: Հնչեցին կոմիտասյան երգեր, ամունքներ՝ թումանյանական քառյակներ, հատվածներ «Թմբկաբերդի առումը» պոեմից՝ հայերենով և ֆրանսերենով, «Անբան հուռին» թատերական ներկայացումը՝ ֆրանսերենով: Երկու լեզուների շատ գեղեցիկ և հետաքրքիր համադրությամբ մեր մասնակիցները կարողացան հրաշալիորեն փոխանցել թումանյանական շունչն ու ոգին: Միջոցառման ավարտին միջոցառման մասնակիցներին տրվեցին աբովյանական հուշանվերներ: Միջոցառմանը գործուն մասնակցություն ցուցաբերելու համար՝ տուն-թանգարանը իր խորին շնորհակալությունն է հայտնում Երևանի Պետական Հումանիտար Քոլեջին՝ ի դեմս տնօրեն՝ Սերգեյ Սարգսյանի, ինչպես նաև ֆրանսերենի դասախոսներ՝ Հասմիկ Երեմյանին և Արփինե Պապոյանին՝ հետաքրքիր մտաղացման և կատարած աշխատանքի համար:
