Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.
Թանգարանների միջազգային օր, «Թանգարանների գիշեր» համաեվրոպական միջոցառումն արդեն 13 տարի է հայկական մշակութային կյանքի կարևոր իրադարձություններից է:
«Թանգարանների գիշեր» միջոցառումը հնարավորություն է արվեստի մթնոլորտում հանդիպելու, միջոցառումներին մասնակցելու և մշակութային համընդհանուր տոնակատարության մասնակիցը լինելու:
Մայիսի 20-ի միջոցառման մեր հյուրերն էին Վարդանանց Ասպետներ 106 դպրոցի տնօրեն Մարինե Վարդանյանը,
Հայոց լ. և գրակ ուս. Գոհար Բաղդագուլյանը,
պատմ. ուս.Լիլիթ Բաղդագուլյանը,
կազմակերպիչ և ֆրանս.լ. ուս Անահիտ Բալոյանը,
երգեցողության ուս. և խմբավար` Ներսես Մարգարյանը և 7 րդ դասարանի սաները:
Օրվա խորագրի ներքո ներկաները ունկնդրեցին զեկույցներ հետևյալ թեմաներով`
«Աբովյանը`առաջին հայրենագիտական կաբինետ- թանգարանի հիմնադիր»` ներկայացրեց ավագ գիտաշխատող Ա. Ստամբոլցյանը, «Թանգարանային գիշերները Հայստանում և եվրոպական երկրներում»` ներկայացրեց գլխավոր ֆոնդապահ Մ. Բաղդասարյանը:
Օրվա գեղարվեստական մասն ապահովեցին Վարդանանց Ասպետներ 106 դպրոցի սաները : Նրանց մասնակցությամբ վայելեցինք «Ապրիլյան քառօրյա պատերազմ» վերնագրով բեմականացում:
…..Տարիներ անց, թե ի՞նչ եղան Խ. Աբովյանի օրոք կաբինետ-թանգարանում գտնվող բնական նմուշները, հայտնի չէ: Միայն անտիկ շրջանի քանդակազարդ չորս խոյակները բարեբախտաբար չկորան և ցուցադրվեցին Հայաստանի պատմության պետական թանգարանում: 1970-ական թթ-ի սկզբին, երբ սկսվեցին Գառնիի հեթանոսական տաճարի վերականգնման աշխատանքները, անվանի ճարտարապետ Ալ. Սահինյանի ջանքերով Խ. Աբովյանի պահպանած 4 խոյակներն էլ տեղադրվեցին հուշարձանի վրա իրենց տեղերում:
——Թանգարանի ցավոտ և դժվարություն ներկայացնող հարցերից մեկն է նաև թանգարանի մաս կազմող և շատ կարևոր հուշակոթող հանդիսացող հայ-էստոնական աղբյուր հուշարձանի՝ թանգարանի տարածք տեղափոխելու խնդիրը:
…………Եթե թվարկենք հոգսերն ու խնդիրները, ապա դրանք շատ-շատ են: Ժամանակն է փոխել թանգարանների կարգավիճակը, որպեսզի չմնան զուտ ցուցադրության վայր, այլ ծառայեն նաև որպես գիտա-մշակութային ուսումնական կենտրոններ: Վերջին տարիներին մեր թանգարանում, կարծես ավանդույթ է դարձել մրցույթ վիկտորինաների, կրթական ծրագրերի, բաց դասերի, կլոր սեղանների շուրջ գիտական քննարկումների կազմակերպումը: Դրանք անցկացնում ենք աբովյանագիտական թեմաներով՝ ուսանողների, դպրոցականների հետ՝ կյանքի կոչելով մեծ մանկավարժի կրթական առաջադեմ ծրագրերն ու մեթոդները:
——–Վարդանանց ասպետները այնպես հստակ և տպավորիչ ներկայացրին ապրիլյան դեպքերը, որ ողջ դահլիճը արտասվում էր: Հպարտ ենք, որ կա այսպիսի կրթօջախ, որ կան այսպիսի մասնագետներ և մանկավարժներ, ովքեր չխնայելով ժամանակ և ջանքեր` իրենց զգալի ներդրումն են կատարում այստեղ սովորող յուրաքանչյուր աշակերտի անձի կայացման, կրթության և դաստիարակության հարցում: Մեկ նախադասությամբ սահմանենք այս դպրոցի տեսակը` ՀԶՈՐ ԴՊՐՈՑ` ՀԶՈՐ ՀԱՅՐԵՆԻՔ:
