Sorry, this entry is only available in Հայերեն. For the sake of viewer convenience, the content is shown below in the alternative language. You may click the link to switch the active language.
«Եվրոպական ժառանգության օրեր» համաեվրոպական ամենամյա ծրագրի երկրորդ օրը կարծես ազգային տոն լիներ: «Ժառանգությունը և համայնքները» խորագիրը կրող սեպտեմբերի 25-ի մջոցառմանը թանգարանի էքսկուրսավար Ն.Դանիելյանը ներկայացրեց «Մեծն Քանաքեռցին» թեմայով զեկույց, որն ուղեկցվում էր պատմական հուշարձանների նկարների ցուցադրումով:
Հայ մեծ լուսավորիչն այսպես է ներկայացրել իր ծննդավայրը.
● -Երևանուցը հինգ վերստ հեռու մեկ գեղ. հյուսիսային կողմն ընկածտեղը բարձր, ջուրը քաղցր, օդը գեղեցիկ, չորս կողմը բաղրով լիքը: Մեջը երկու հրաշալի եկեղեցի. հազար քյալավա, ու այժմ հիսուն տուն կա: Ամառվան տեղը Երևանու խաների:
● «Ոչ մի բնակավայր այնքան գեղեցիկ, այնքան երկնային չէ, ինչպես այս բարձրա¬դիր վայրը՝ հարավային երկնքի տակ… այս բոլորը ես չեմ փոխի և ո՛չ մի բանի հետ, որ տեսել եմ հետագայում…»։
Ահա այսպիսի անջնջելի հետք է թողել նրա բովանդակ կյանքի ու ստեղծագործությունների վրա ծննդավայրը։
Միջոցառման երկրորդ մասն հագեցած էր գեղարվեստական համարներով:
● Ա.Տեր Ղևոնդյանի անվան երաժշտական դպրոցի «Արմենիա» պարային համույթի կատարմամբ, /գեղ. ղեկավար՝ Հայկ Անտոնյան/, ներկաները վայելեցին
Արամ Խաչատրյանի «Գայանե» բալետից «Օրոր» և «Ախթամար» պարային համարները:
● «Զեյթուն մշակութային կենտրոն»,/ գեղ. ղեկավար՝ Դավիթ Դանիելյան,/, թատերական խմբակի սաները, /ղեկավար՝ Ալլա Թորոսյան/, ներկայացրին բեմականացում «Մեր բակը»:
Երգի խմբակի սան, /ղեկավար՝ Հասմիկ Հայրապետյան/,Միլենա Մարդոյանը կատարեց երգ «Հայաստան», Աննա Գրիգորյանը ՝ «Ճանապարհ», երգի խմբակը՝ «Մենք ենք ու սարերը մեր», Լիաննա Խուրշուդյանը՝ «Երազ իմ երկիր հայրենի» երգերը, մշակութային կենտրոնի երգչախումբը, /ղեկավար՝ Մամիկոն Անդրեասյան, կոնցերտմեյստեր՝ Մարինա Սարգսյան/, կատարեց «Սարերի հովին մեռնեմ» և Մելիք Մավիսակալյանի «Ջան Հայաստան» երգերը:
● Մինաս-Ավետիսյանի անվ.կերպարվեստի դպրոցի սաները, դպրոցի տնօրեն՝ Մեծ-Գևորգյան Հովհաննեսի աջակցությամբ ներկայացրին ցուցահանդես «Իմ համայնքը» խորագրով:
Միջոցառման վերջում ներկաները, էքսկուրսավար Նազիկ Դանիելյանի ուղեկցությամբ, շրջայց կատարեցին ցուցասրահով, եղան Աբովյանի տոհմատանը՝ ծանոթանալով Մեծն Լուսավորչի կյանքի և գործունեության մանրամաասներին:
Հատուկ շնորհակալություն Քանաքեռ-Զեյթուն վարչական շրջանին բոլոր մասնակիցներին և ներկաներին: