Sorry, this entry is only available in Հայերեն. For the sake of viewer convenience, the content is shown below in the alternative language. You may click the link to switch the active language.
ԱԲՈՎՅԱՆԻ ՍԽՐԱՆՔԸ…
**********************
…Նա գնում էր կրկին դեպի հեռուն այն լուրթ,
Դեպի լյառը անհաս ու վեհանիստ,-
Դեպի գագաթը բարձր, որ իր ժողովուրդը
Համարել է հավետ իր գոյության խորհուրֆը,-
Որ ճաշակե այնտեղ հավերժական հանգիստ…
Ե. Չարենց <<Դեպի լյառը Մասիս>>
*************************
Ապրիլի 3-ին տուն-թանգարանում տեղի ունեցավ Աբովյանի 170-ամյակին նվիրված հոբելյանական միջոցառում <<Աբովյանի սխրանքը>> խորագրով: Միջոցառումը մեկնարկեց թանգարանի տնօրեն Վահրամ Քոսակյանը: Միջոցառման ծրագիրը հագեցած էր. զեկույցներով հանդես եկան ԵՊՀ հայ գրականության պատմության ամբիոնի վարիչ, բանաս. գիտ. դոկտոր, պրոֆեսոր Սամվել Մուրադյանը, մանկագիր Նեկտար Պողոսյանը, Ե. Չարենցի տուն-թանգարանի ավագ գիտաշխատող Անուշ Թասալյանը, թանգարանի ֆոնդապահ Մարին Բաղդասարյանը: Աբովյանին նվիրված բանաստեղծություններով փայլուն հանդես եկան «Վարդանանց Ասպետներ» թիվ 106 հիմնական դպրոցի սաները: Նրանց կողմից հնչեցին Հովհ. Շիրազի «Աբովյանին», Գուրգեն Մահարու «Տաղ Խաչատուր Աբովյանին», Գևորգ Էմինի «Աբովյանի ուսանողական տետրերը» և «Անմահություն» բանաստեղծությունները: Միջոցառման երաժշտական մասը ապահովեց Շենգավիթ վարչական շրջանի պատանեկության ստեղծագործական կենտրոնի <<Օկտավա>> վոկալ-էստրադային համույթը: Նրանց կողմից վայելեցինք Ա. Մերանգուլյանի <<Խաչատուր Աբովյան>>, Վ. Տիգրանյանի <<Աչքս ճամփիդ>>, Մ. Աղայանի <<Աղասու երգը>> երգերը, ինչպես նաև Աբովյանի բայաթիների խոսքերով գրված և <<Մանկական շարան>> երգերը, որոնց երաժշտական ձևավորումը իրականացրել է համույթի գեղարվեստական ղեկավար Սոնա Վարդանյանը: Ինչպես միշտ, <<Օկտավա>> համույթի սաները զարմացրեցին իրենց փայլուն կատարումներով:
Միջոցառման ավարտին թանգարանի ցուցադրությունների կազմակերպման և հանրահռչակման բաժնի վարիչ Ա. Ստամբոլցյանը աբովյանական հուշանվերներ հանձնեց միջոցառման մասնակիցներին: Հաջորդիվ հետևեց սուրճի հյուրասիրություն:
Խ. Աբովյանի տուն-թանգարանը իր խորին շնորհակալությունն է հայտնում միջոցառման մասնակիցներին՝ ԵՊՀ հայ գրականության պատմության ամբիոնի վարիչ, բանաս. գիտ. դոկտոր, պրոֆեսոր Սամվել Մուրադյանին, Ե. Չարենցի տուն-թանգարանի ավագ գիտաշխատող Անուշ Թասալյանին, մանկագիր Նեկտար Պողոսյանին, «Վարդանանց Ասպետներ» թիվ 106 հիմնական դպրոցին՝ ի դեմս տնօրեն Մարինե Վարդանյանի, Շենգավիթ վարչական շրջանի պատանեկության ստեղծագործական կենտրոնի <<Օկտավա>> վոկալ-էստրադային համույթին՝ ի դեմս գեղ. ղեկավար Սոնա Վարդանյանի՝ արդյունավետ և գործուն մասնակցության համար, ինչպես նաև միջոցառման հյուրերին՝ ԵՊՀ հայ բանասիրության ֆակուլտետի դեկան, բանաս. գիտ. դոկտոր, պրոֆեսոր Արծրուն Ավագյանին, Քանաքեռ-Զեյթուն վարչական շրջանի կրթության, մշակույթի և սպորտի բաժնի պետ Իրինա Թորոսյանին, Սիլվա Կապուտիկյանի տուն-թանգարանի տնօրեն Արմենուհի Դեմիրճյանին, մեն լուսավորչի ժառանգներ Ռոբերտ և Էմիլիա Հարությունյաններին, Հովհ. Թումանյանի թանգարանի աշխատակից Գոհար Մարտիրոսյանին, Զարդարվեստի պետական արհեստագործական ուսումնարանի անձնակազմին, Վաղարշապատի Խ. Աբովյանի անվ. դպրոցի ուսուցիչներին և այլոց՝ Խ. Աբովյանի հիշատակը հարգելու և ներկա գտնվելու համար:
