Sorry, this entry is only available in Հայերեն. For the sake of viewer convenience, the content is shown below in the alternative language. You may click the link to switch the active language.
«Եվրոպական ժառանգության օրեր» համաեվրոպական ամենամյա ծրագիրը 1954թ-ից իրականացվում է Եվրոպական մշակութային կոնվենցիային միացած շուրջ 50 երկրներում:
Հայաստանի Հանրապետությունը ծրագրին միացել է 2000թ-ին:
Այս տարվա խորագիրն էր՝ «Ժառանգությունը և համայնքները»:
Կարևորելով թանգարան-համայնք համագործակցությունը, մեր մշակութային օջախն այս երեք տարիների ընթացքում հասցրել է խորը արմատներ գցել և բարեկամանալ վարչական շրջանում գտնվող կրթոջախների և մի շարք հաստատությունների հետ:
Սեպտեմբերի 24,25-ին Խ.Աբովյանի տուն- թանգարանը Քանաքեռ –Զեյթուն վարչական շրջանի հետ համատեղ իրականացրեցին երկու միջոցառում: Միջոցառման առաջին օրը հագեցած էր զեկույցներով: Թանգարանի էքսկուրսավար Ն.Դանիելյանը ներկայացրեց «Քանաքեռը՝ Աբովյանի ծննդավայր» թեմայով զեկույց, իսկ գլխավոր ֆոնդապահ Մ.Բաղդասարյանը կարդաց տեղեկատվական զեկույց «Համայնքների ձևավորումը անկախության ճանապարհին»:
Միջոցառման երկրորդ մասը դասական ցերեկույթ էր:
●«Տոնիկա ՏՐԻՈ» կոմիտասի անվան պետ. կոսերվատորիայի ուսանողներ`ջութակահար`Գոռ Կարապետյանի, դաշնակահար`Արամ Շեկիկյանի և կլարնետ`Գարեգին Քեֆնակզյանի կատարմամբ ներկաները վայելեցին
Կոմիտասի, Սայաթ-Նովայի և Պիացոլլոյի գործերը:
●Ս. Բարխուդարյանի անվ. արվեստի թատերական խմբի սաների շուրթերից հնչեցին Վահան Տերյանի և Վիյամ Սարոյանի ստեղծագործությունները:
●Մինաս-Ավետիսյանի անվ.կերպարվեստի դպրոցի սաները, դպրոցի տնօրեն՝ Մեծ-Գևորգյան Հովհաննեսի աջակցությամբ ներկայացրին ցուցահանդես «Իմ համայնքը» խորագրով:
Հյուրերի թվում էին՝ Քանաքեռ –Զեյթուն վարչական շրջանի
կրթական բաժնի ղեկավար Իրինա Թորոսյանը, աշխատակիցներ՝ Սոնա Իսրաելյանը և Արթուր Սարգսյանը, Ս. Բարխուդարյանի անվ. արվեստի դպրոցի տնօրեն՝ Սոնա Գալաջյանը, փոխտնօրեն՝ Զառա Եսայանը, գեղ.ղեկավար՝Մարիամ Ահարոնյանը:
Միջոցառման վերջում ներկաները շրջայց կատարեցին ցուցասրահով, եղան Աբովյանի տոհմատանը՝ ծանոթանալով Մեծն Լուսավորչի կյանքի և գործունեության մանրամաասներին:
Հատուկ շնորհակալություն բոլոր մասնակիցներին և ներկաներին: