«Արարատի հայացքով» լուսանկարների ցուցադրություն տուն-թանգարանում՝ «Արարատյան վերելք 190» հոբելյանական միջոցառման շրջանակներում:

ԱԲՈՎՅԱՆԻ ՆԱՄԱԿԱՆԻՆ Փետրվարի 1-ից մայիսի 1-ը թանգարանի ժամանակավոր ցուցադրությունների շրջանակներում կգործի «Աբովյանի նամականին» խորագրով ցուցադրությունը: Ներկայացված են մեծն լուսավորչի նամակները, խնդրագրերն ու զեկուցագրերը:

Խ. Աբովյանի տուն-թանգարանի հիմնադրման 80-ամյակի կապակցությամբ տուն-թանգարանի ժամանակավոր ցուցադրությունների շրջանակներում մայիսի 20-ից օգոստոսի 20-ը կգործի <<Աբովյանական սրբավայր>> խորագրով ցուցադրությունը, որտեղ ներկայացված են տուն-թանգարանի պատմությանը վերաբերող լուսանկարներ, վավերագրեր, հրապարակումներ:

  Տուն-թանգարանի ժամանակավոր ցուցադրությունների շրջանակներում մարտի 1-ից մինչև հունիսի 1-ը Խ. Աբովյանի անհայտացման 170-ամյակի առթիվ կներկայացվի <<Աբովյանի առեղծվածը>> ցուցադրությունը: Ցուցադրված են Խ. Աբովյանի անհայտացման հետ կապված փաստաթղթեր և վավերագրեր:

Հունիսի 12-ից սեպտեմբերի 12-ը Խ. Աբովյանի տուն-թանգարանում ժամանակավոր ցուցադրության շրջանակներում այս անգամ կներկայացվի «Խ. Աբովյանի գրական ժառանգությունը» թեմայով ցուցադրություն: Այստեղ այցելուն հնարավորություն կունենա ծանոթանալ մեծն լուսավորչի ստեղծագործությունների ձեռագրերի նմուշներին: