Երևանում Աբովյանի անվան հետ շատ բան է առնչվում: 1933 թ-ին «Մոսկվա» կինոթատրոնի հրապարակում բարձրացավ Խ. Աբովյանի բրոնզե հուշարձանը: Այդ գործը պատկանում է քանդակագործ Անդրեաս Տեր-Մարուքյանին: 1964 թ- ին արձանը տեղափոխվում է Խ. Աբովյանի տուն-թանգարանի տարածք: Աբովյանը հայ գրողներից առաջինն էր, որ արձան ունեցավ:
Աբովյանի անունն է կրում Երևանի գլխավոր ու, թերևս, ամենագեղեցիկ փողոցը: Աբովյան փողոցը սկիզբ է առնում քաղաքի սրտից՝ Հանրապետության հրապարակից և ձգվում մինչև «Պլանի գլուխ»: Հենց այստեղ էլ, 1950 թ-ին կանգնեցվեց Աբովյանի նոր հուշարձանը, որի քանդակագործն է Ս. Ստեփանյանը, ճարտարապետը՝ Գ. Թամանյանը: Արձանը բրոնզից է, պատվանդանը՝ գրանիտից:
Աբովյանի անունն է կրում մանկական երկաթուղու զբոսայգին
Մեր հանրապետության բարձրագույն ուսումնական հաստատություններից մեկը՝ մանկավարժական համալսարանը կրում է մեծ լուսավորչի անունը
1961թ. Խ. Աբովյանի պատվին է անվանակոչվել Աբովյան քաղաքը
Երևանի Խ. Աբովյանի անվան № 2 դպրոց
Երևանի Խ. Աբովյանի անվան № 84 դպրոց
Սևանի Խ. Աբովյանի անվան № 1 դպրոց
Հրազդանի Խ. Աբովյանի անվան № 1 դպրոց
Վաղարշապատի Խ. Աբովյանի անվան № 4 դպրոց
Ստեփանակերտի Խ. Աբովյանի անվան № 1 դպրոց
Շուշիի Խ. Աբովյանի անվան հիմնական դպրոց
***
Երբ իջնում է զովաշունչ երեկոն Երևանի վրա, ելնում է նա՝ հավերժության ուղևորն ու քայլում. նրա ոտնահետքերը դրոշմվում են քաղաքի սալահատակներին: Խորանում է գիշերը, և Աբովյանի ծառերը շշնջում են հավերժության ուղևորի լեգենդը: Հայոց վերածնված ոստան Երևանում, լույսերի մեջ, ապրում է մի լույս հոգի, ինքը՝ Խաչատուր Աբովյանը: