ԲԱՑ-ԴԱՍ ՄԻՋՈՑԱՌՈՒՄ ՊԱՏՄՈՒԹՅՈՒՆԻՑ

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Նոյեմբերի 14-ին, տուն-թանգարանի կրթական միջոցառումների շրջանակներում, տեղի ունեցավ բաց-դաս միջոցառում պատմություն առարկայից: Խ. Աբովյանի անվ. ՀՊՄՀ-ի Պատմության և իրավագիտության ֆակուլտետի 3-րդ կուրսեցիները, դասախոս Մ. Եղյանի ղեկավարությամբ, մանկավարժական պրակտիկայի շրջանակներում կազմակերպել էին բաց-դաս միջոցառում «Վարդանանց Ասպետներ» թիվ 106 դպրոցի աշակերտների մասնակցությամբ:
Միջոցառումը մեկնարկեց Խ. Աբովյանի տուն-թանգարանի տնօրեն Վ. Քոսակյանը ողջույնի խոսքով: Իր խոսքում տնօրենը մեծապես ողջունեց նման նախաձեռնությունը, ինչպես նաև թանգարանի, դպրոցականների և ուսանողների միջև համագործակցությունը: Տնօրենը նաև ընդհանուր գծերով անդրադարձավ դասին վերաբերող նյութի պատմական անցքերին: Բաց-դասի առանցքային թեման Երևանի բերդն էր: Ապագա պատմաբանները, տեսասահիկների ուղեկցությամբ, խոսեցին Ռուս-պարսկական 2-րդ պատերազմի, Երևանի բերդի գրավման և տվյալ ժամանակաշրջանի նշանավոր զինորականների մասին: Այս ամենին իրենց ակտիվ մասնակցությունը ցուցաբերեցին թիվ 106 դպրոցի սաները: Միջոցառումը անմասն չէր երաժշտական ելույթներից: ՀՊՄՀ-ի ուսանողների և թիվ 106 դպրոցի սաների կողմից վալելեցինք հաճելի երաժշտական կատարումներ: Միջոցառման ավարտին խոսքով հանդես եկան ՀՊՄՀ Հայոց պատմության ամբիոնի դասախոս, պգթ Մ. Եղյանը, «Վարդանանց Ասպետներ» թիվ 106 դպրոցի պատմության ուսուցչուհի Լ. Բաղդագուլյանը և թանգարանի ցուցադրությունների կազմակերպման և հանրահռչակման բաժնի վարիչ Ա. Ստամբոլցյանը:
Հաջորդիվ մասնակիցներին սպասվում էր շրջայց թանգարանի ցուցասրահում և տոհմատանը: