«Սուրճ` Աբովյանի բաղադրատոմսով» : 10.03.2017թ.

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

«…Կինը` բնության գլուխգործոցն է, նրանից ավելի կատարյալ բան բնությունը չի ստեղծել….»– հանճարեղ Աբովյանի հանճարեղ մտքերից մեկը` կանանց վերաբերյալ:
———————————————————————


Մարտի 10-ին թանգարանում կայացավ «Սուրճ` Աբովյանի բաղադրատոմսով» կանանց տոնին նվիրված միջոցառում-հյուրասիրություն, որն ուղորդվեց նոր բացահայտումներով:
……..սուրճի հյուրասիրություն աբովյանական սպասքով և բաղադրատոմսով, Պարրոտի կնոջ պահքի թխվածքաբլիթներ, որոնց բաղադրատոմսը ժամանակին գրի էր առել Աբովյանն իր բաղադրատոմսերի տետրում, Ապով պապի այգու կարմրաթուշ խնձորներ, հատվածներ Աբովյանի նամակներից` ուղղված այն կանանց, ովքեր տարբեր ժամանակահատվածներում որոշակի դեր են ունեցել մեծ լուսավորիչի կյանքում և ներշնչանքի աղբյուր հանդիսացել նրա համար: Մթնոլորտն Աբովյանական դարձրին Զեյթուն մշակութային կենտրոնի «ՀԱՅԱՍԱ» թատերախմբի սաները՝ Հասմիկ Նիկողոսյանը, Ամալյա Հարությունյանը, Լիլիթ Գրիգորյանը, Մարիա Շահվերդյանը և
Սոնա Քալանթարյանը: Խմբի գեղ. ղեկ. Ալլա Թորոսյանը նորից ու նորից մեզ զարմացրեց իր մասնագիտական հմտություններով՝ բեմադրելով հատվածներ՝ Գ.Հայրյանի « Ձիթենու ճյուղը» վեպից, որին մի առանձին աշխույժ կենսականություն էին հաղորդում կին հերոսները՝ ՍՈՆԱՆ, ՎԵՐԱՆ և ՇԱՐԼՈՏԱՆ: Հնարավորություն էր ստեղծվել բազմակողմանի ներկայացնել Աբովյանի բնավորությունը, նրա հոգեկան աշխարհի զանազան ելևէջները, նրա հուշերը:

Օրվա կին հերոսներն էին՝ մանկավարժներ՝ ովքեր տարիներ շարունակ անմնացորդ նվիրել են իրենց մատաղ սերնդի կրթության և դաստիարակության գործին:

Միջոցառման վերջում, որպես օրվա հուշ մասնակիցներն իրենց հետ տարան՝ ՄԵԿ ԳԴԱԼ ՍՈՒՐՃ ՝ ԱԲՈՎՅԱՆԻ ԲԱՂԱԴՐԱՏՈՄՍՈՎ: